تعلمنا من المجلس العسكرى

الدرس الذي تعلمناه من المجلس العسكري ومن قبله مبارك: إذا أردت أن تقتل الحقائق عليك بتشكيل لجنة لتقصي الحقائق
بلال فضل

كلام مش صحيح ومش في محله
المجلس العسكري عمره ماكان خاين
وجنود مصر استحاله يكونوا خونة او بيسعوا
في الارض بالخراب لان لو كل واحد خد باله
قبل مايتهم الجيش اللي وقف جمب الشعب
بالخيانه وافتكر كلام الرسول صلى الله عليه وسلم
انهم خير اجناد الارض وانهم في رباط الى يوم القيامه
مش عارفة بقى لو حد بيشكك في كلام الرسول
وهو لا ينطق عن الهوى ان هو الا وحي يوحى
من قول الله تعالى يبقى هو ده الجيش اللي
بتتهموابالخيانة والفساد في الارض يا خسارة Mad

___________________

انا مش عارفة كلوا بيتهم الجيش لييية كلامك اكيد صح يا الاء ومحدش يقدر يشكك فية والمجلس العسكري عمروا ماكان ولا هيكون خاااين لبلادة ولا لابناء بلادو ابدا...

الحقيقة يا امني هان مش كتير ولا حاجة اللي هم
بيتهموا الجيش بالاتهمات الباطلة دي لكن علشان هم
عايزين يكونوا في الصورة فا بيعملوا شغب ويعلو صوتهم
بس انا اهلي علموني انو اللي بيرفع صوتوا بيبقى عارف ان الحق مش معا

_____________________

اكيد طبعا الحق مش هيبقي مع اللي بيعلوا صوتهم دول بس مش هننكر برضوا ان في ناس كتييير بردو ع كل القنوات ضد المجلس وبيقولوا ان هو السبب في اللي حصل

مهي ثورة اعلام يا امنيه لو الاعلام ده مش مركز معاهم
ومديلهم الاهميه دي وكل مذيع ولا مذيعة حاطة واحد
قدمها وعمالين ينهشوا في مصر زي الكلاب Crying or Very sad

____________________

وفي الاخر احنا وكيلنا ربنا مفيش عندنا غير الدعاء
يارب اللهم اضرب الظالمين بالظالمين واخرجنا من بينهم سالمين

_____________________

امييين يا رب

انا معاكوا ف بعض الكلام ومش معاكوا ف بعضه بمعنى : ان انا معاكوا ف ان المجلس العسكرى مش خاين ولا عميل وما حدش بيقول عليه كدة بالعكس ده هو والجيش الوحيدين اللى وقفوا جنب شعبهم ف ثورتهم مش زى ما شوفنا ف بلاد تانية كتير زى اليمن وليبيا وسوريا ( الحمدلله )

ومش معاكوا ف ان المجلس العسكرى ما لهوش ذنب ف الأحداث اللى بتحصل لأن هو اللى بيحكم البلاد دلوقتى يعنى هو اعلى سلطة فيه وهو اللى بيدى الأوامر لرئيس مجلس الوزراء وللوزراء كمان ولكل السلطات اللى ف البلد

وانا هتكلم شوية عن الأحداث الأخيرة المؤلمة والمؤسفة بتاعة ماتش المصرى والأهلى
انا شايفة ان الشرطة هى المسئولة مسئولية كاملة عن الأحداث دى لأن هم كانوا واقفين جوا الاستاد وكانوا شايفين كل اللى بيحصل وما اتحركوش من مكانهم لأن هم اصلا عايزين كدة وهم كمان اللى كانوا بيحرضوا الجماهير ع بعض

اللى حصل ف البداية خالص كان من جمهور الأهلى وكانوا بيحدفوا حاجات ع جمهور المصرى وظباط الشرطة اللى كانوا موجودين قعدوا يقولوا لجمهور المصرى : "شوفوا بيحدفوا عليكوا ازاى وبيشتموكوا"
والكلام ده كلام موثوق منه واللى قايله شاهد عيان من اللى كانوا جوا الاستاد نفسه وكان بيتفرج هو كمان ع الماتش بس الحمدلله ربنا نجاه

والشرطة كمان هم اللى فتحوا الباب ف الأول ودخلوا الجماهير عادى ودخلوا كمان اللى معاهم أسلحة بيضاء بكل أنواعها وما حدش قالهم حاجة وسابوهم يدخلوا وف الآخر لما بدأ الناس دول اللى هم معاهم أسلحة بيضاء ينزلوا من المدرجات ويدخلوا الملعب بتوع الشرطة قفلوا الباب عشان ما حدش يعرف يطلع وعشان يعملوا نفسهم مش غلطانين ف حاجة نزلوا الملعب ومسكوا كام واحد من اللى بيضربوا ف الناس وبدل ما يمسكوهم ويطلعوهم بره الاستاد رجعوهم للمدرجات تانى يعنى سابوهم يعملوا برضو اللى هم عايزينه

والناس اللى معاهم أسلحة دول كانوا بيرموا المشجعين من ع السور الخلفى بتاع الاستاد اللى ارتفاعه 3 او 4 متر عشان كدة معظم الشهداء ماتوا باصابات جامدة اووووى زى كسر ف الجمجمة او ف الرقبة وفيه واحد مات بطريقة بشعة.........حد برضو رماه من فوق السور ووقع ع سيخ حديد دخل ف عينه وكان صاحبه عمال يعيط عشانه

ربنا يرحم كل اللى ماتوا ويصبر اهاليهم ويشفى كل مصاب ويعافيه
ويــــــــــــــــــــــــــــــــــــــــا ربـــــــــــــــــــــــــــــ تكون دى آخر أحداث وحشة تحصل
ويا رب مصر ترجع حلوة تانى زى الأول وكل اللى بيحصل فيها ده ينتهى وما يتكررش تانى ابدااااااااااااا
آآآآآآآآآآآآآآآآآمــــــــــــــــــــــــــــــــــــيـــــــــــــــــــــــــــــــــــــــــن Rolling Eyes

وبردو الاختلاف ف الراي لا يفسد للود قضية انا معاكي ان المجلس العسكري هو المسئول قدامنا بس بردو مهما كان مينفعش انو يسيب الحكم دلوقتي بالذاات ف الوقت دة عشان البلد ف حالة فوضي جدا وانا بساندك ان الشرطة اكييييييييد هي السبب ف الموضوع ودلوقتي بقي احنا بقينا شيفين كل حاجةلان الفيديوهات معروضة ف كل القنوات عشان ميقعدوش يقولوا احنا عملنا وعملنا وانا شوفت بعيني ان من قبل الماتش كان في تهديدات وكلنا شوفنا الولد اللي كان واقف قدم الاتوبيس قبل الماتش وف نص الماتش حصل نفس الموضوع وحصلت فوضي وبالرغم من كدة كان المفروض المباراة تتوقف بس محصلش حاجة والشرطة كانت واقفة بتصور!!!!!!!!؟؟؟!!!! ولا كان في حاجة وف الاخر جايين يدخلوهم المدرجات ويعملوا انهم بيطلعوا ع المدرجات وينزلوا تاني
ربنا يرحم كل اللي ماتوا امين يا رب

اللي يضايق ف الموضوع ان الموضوع دة كان هيحصل في اكتر من ماتش بس تم السيطرة علية ماتسابش البلطجية دول يرموا الناس من فوق السور ويتضربوا بالاسلحة البيضا

فعلا وع فكرة انا ما جبتش سيرة ان المجلس العسكرى يسيب السلطة دلوقتى لأنها هتبقى ""مـــــــــصــــــــــيــــــــــبـــــــة "" وهتبقى البلد ف فوضى اكتر من كدة بكتييييييييييير مع ان اصلا وجوده زى عدمه واللى شغال ف البلد دلوقتى وبيصلح فيها هو مجلس الشعب وبعض الوزراء زى وزير الداخلية اللى عمل مجهود رااااااااائع اليومين اللى فاتوا ومسك ناس كتير وقبض ع ناس كتير بتوع مخدرات وبلطجية وكدة بس برضو بالرغم من كل اللى عمله هو برضو لسة مقصر شوية

وفيه معلومة مهمة جدااااااااااااااا انا نسيت اقولها وأعتقد ان البعض عارفينها وهى " عمر عفيفى "
اللى كل ما يقول حاجة تحصل وطبعا هو مش بيشم ع ضهر ايده يعنى بس هو اصلا كان عقيد شرطة مصرى واترفد وراح أمريكا وهو دلوقتى بيشتغل هناك وعارف كل المخططات اللى أمريكا بتعملها ضدنا عشان كدة كل ما يقول حاجة تحصل فعلا

ولما شباب الاخوان عمله درع بشرى حولين مجلس الشعب ما كانوش عاملينه لله فلله كدة لأ ده كانوا عاملينه عشان عمر عفيفى قال لاتنين من قيادات الاخوان وهم اعضاء ف مجلس الشعب ( بس انا مش فاكرة اسمهم ) ان فيه مخطط معمول ف عشان يحرقوا مجلس الشعب عشان كدة شباب الاخوان عمله الدرع البشرى ده

وبرضو عمر عفيفى كان قايل ان فيه أحداث شغب وتخريب هتحصل ف ماتش المصرى والأهلى وفعلا حصلت أحداث شغب وتخريب ف الماتش

يــــــــــا ربــــــــــــــ مصر تتحسن بقى وكل اللى عايزين يخربوها يهدوا شوية عشان مصر ترجع حلوة تانى Rolling Eyes

كلامك كله مظبوط يا سميه وعندك حق وانا فعلا مقولتش ان الشرطة مش غلطانة او المجلس
مش غلطان لا دول غلطانين والشرطة غلطانة جدا وبالفعل اتخذ الجنزوري اجرائات ممتازة
لما اقال مدير امن بورسعيد ومحافظ بورسعيد وتم التحفظ عليهم وبدا النيابة تحقق معاهم
لان احنا لو قولنا ان الشرطة مش غلطانة نبقى بنتكلم من غير منفهم بس كل الموضوع
ان الكلام استثرني وخلاني حاسه ان الجيش في حالة اتهام وبيحط في موقع خيانة زي حسني
مبارك وبتتوجهلوا اهانات مش في محلها

____________________

اميييييييييين

ماهو في ناس فعلا عايزاة يكون في حالة اتهام ودي المشكلة

هو فعلا موضوع مستفز
بس اللى مخلينى فرحانة جدااااااااااااااااااااااااااااااااااااا مجلس الشعب لأنه ما شاء الله من أول ما اتعمل وهو شغال وما كنش حد يتوقع ابدااااااااااااا ابدااااااااااااا ابداااااااااااااا بأى شكل من الأشكال ان رئيس مجلس الوزراء والوزراء يقفوا واحد واحد قدام اعضاء المجلس ويتسألوا ويجاوبوا ويتحاسبوا Razz

بجد ما كنش حد يتوقع Wink

مش هينفع لان لو ده حصل يبقو هم بيقولوها
بالعربي وبكل صراحة لازم مصر تقع وميكونش فيه استقرار
واحنا مش هينفع نسكت لحد ما البلد تضيع من ادينا
لان دي بلدنا واحنا اللي هنعيش فيها ومفيش حته تانية
هنقدر نروح فيها وده مش هيحصل غير لو بداناها احنا
ربنا كتب على مصر الامان وذكرها في القران
والرسول كان بيدعي لاهل مصر وبيوصي الصحابة بيهم
يبقى ان شاء الله مفيش حاجة هتمس البلد دي غير بامر ربنا
((ان الله لا يغير ما بقوم حتى يغيروا ما بانفسهم))

____________________

فعلا مكانش حد يتوقع والي انا فرحانة بي كمان وزير الداخلية انا شايفة انو شغال حلو اوي وبيتكلم ويوضح كل حاجة مش بيسبنا ع عمانا مش فاهمين حاجة

ايوة فعلا يا امنية ويا سميه مجلس الشعب حاجة مفرحة جدا
وانا مبسوطة من وزير الداخليو ومن الدكتور كمال الجنزوري لانهم بجد ناس
محترمة وبيخافو على البلد وبيحيوها

____________________

فعلا وزير الداخلية الجديد جامد جدااااااااا Twisted Evil

بس بصراحة انا مش بحب كمال الجنزورى لأنه بيطلع بيانات كتير أغلبيتها تافهة اووووووووى وما بتشفيش غليل اى حد ومش هو ده اللى بنبقى مستنيينه وبحسه كمان بيعد يتكلم عن أمجاده وبطولاته كتييييييييييير اووووووووووووووووووووووووووووووووى وبيحسسنى ان هو عمل اللى ما اتعملش Laughing

انا مش قصدى ن اشكك فى وطنية المجلس العسكرى لاننا بدون المجلس العسكرى و بدون الجيش المصرى نصبح شعب بدون هويه ولان الجيش المصرى خير اجناد الارض كما قال سيدنا محمد عليه الصلاة والسلام والجيش المصرى هو الذى كان يحمينا فى عز الثورة فى عز ما كانش فى امن واسقرار فى البلد وهناك شىء خفى وراء هذه لاحداث التى تجعل الشعب يشكك فى المجلس العسكرى والشرطة لابد ان نكون يد وحدة لكى نخرج من هذة الازمهالتى تعانى منها البلد

كويس انك وضحت رأيك عشان احنا ما كانش واصلنا بالصورة اللى انت قصدك عليها Smile

ايوة فعلا يا امل كلامك صح
وفعلا احنا كنا فهمين رايك بشكل مختلف تماما
وشكرا انك وضحتيه لينا

_______________

فعلا احنا كلنا كنا فاهمنها غلط خااااااااااالص
بس الحمدلله فهمناها صح
سورى يا امولة I love you

كويس انك وضحتي رايك لالانا كنا فهمينوا غلط خااااالص
شكرا